భుజాల పైన శవాన్ని మోసి.. మానవత్వం చాటుకున్న మహిళా ఎస్సై !

శ్రీకాకుళంజిల్లాలో ఓ మహిళా ఎస్.ఐ మానవత్వం చాటుకున్నారు. గుర్తుతెలియని శవాన్ని మోసి దనహసంస్కారాలు నిర్వహించారు. కాశిబుగ్గ మున్సిపాలిటీ పరిధిలో అడవికొత్తూరు గ్రామంలో ఓ గుర్తు తెలియని మృతదేహం ఉన్నట్లు స్థానికులు పోలీసులకు సమాచారం అందించారు. వెంటనే అక్కడికి చేరుకున్న ఎస్ ఐ శిరీష.. డెడ్ బాడీని స్వయంగా కిలోమీటర్ దూరం వరకు మోసుకొచ్చారు. కోసంగిపురం జంక్షన్ వద్ద ఉన్న లలితా చారిటబుల్ ట్రస్టు వారితో మాట్లాడి ఆ డెడ్ బాడీకి దహన సంస్కారాలు నిర్వహించారు. ఓ మహిళా ఎస్‌ ఐ అనాథ శవాన్ని మోసి, దహన సంస్కారాలు నిర్వహించడంతో స్థానికులు అభినందిస్తున్నారు.