Top
Batukamma

Hathras Accused : హత్రాస్ కేసులో మరో ట్విస్ట్..!

Hathras Accused : హత్రాస్ కేసులో మరో ట్విస్ట్..!
X
Highlights

బాధితురాలి చనిపోయే ముందు ఇచ్చిన వాంగ్మూలంలో తనపై లైంగికదాడి జరిగిందని చెప్పింది.

Hathras accused letter to police : హత్రాస్ కేసులో ట్విస్టుల మీద ట్విస్టులు బయటకు వస్తున్నాయి. యువతి చనిపోయిన కొద్ది రోజులకే అసలు అత్యాచారమే జరగలేదని పోలీసులు చెప్పారు. పోస్ట్ మార్టమ్, ఫోరెన్సిక్ రిపోర్టుల్లో ఎలాంటి ఆధారాలు లభించలేదన్నారు.

ఇవన్నీ నడుస్తుండగానే.. లెటెస్ట్ గా హత్రాస్ ఎస్పీకి నిందితులు లేఖ రాశారు. ప్రస్తుతం జైలులో ఉన్న నలుగురు నిందితులు పోలీసులకు లెటర్ రాశారు. లెటర్ లో నలుగు నిందితులు సందీప్, లవకుష్, రవి, రాము సంతకాలున్నాయి. ఇందులో విషయాలు మరింత ఇంట్రెస్టింగ్ గా ఉన్నాయి.

బాధితురాలితో తనకు ముందు నుంచి పరిచయం ఉందని లెటర్ లో రాశాడు ప్రధాన నిందితుడు సందీప్(Hathras Accused ). చాలాకాలంగా ఫోన్ లో మాట్లాడుకుంటున్నామని రాశాడు. అయితే ఎప్పుడూ డైరెక్ట్ గా కలవలేదన్నాడు. ఈ విషయంలో వారి ఫ్యామిలీ కూడా తెలుసునన్నాడు.

Letter-Hathras

ఘటన జరిగిన రోజు ఏం జరిగిందో కూడా వివరించాడు సందీప్. అమ్మాయిని కలిసేందుకు పొలం దగ్గరకు వెళ్లానని.. అప్పటికే అక్కడ ఆమె తల్లి, సోదరుడు ఉన్నారని రాశాడు. దీంతో తనను వెళ్లిపోవాలని అమ్మాయి చెప్పిందని.. తాను అక్కడి నుంచి ఇంటికి వచ్చేశానని చెప్పాడు.

అయితే.. ఈ విషయం గుర్తించిన ఆమె తల్లి, సోదరుడు ఆమెను తీవ్రంగా కొట్టి, ప్రాణాపాయ స్థితిలో పడేసి వెళ్లారని నిందితులు లెటర్ లో రాశారు. తమకు ఎలాంటి పాపం తెలియదని.. అన్యాయంగా ఇరికించారని.. తమను విడిపించాలని కోరారు.

అయితే.. దీనిపై కాంగ్రెస్ పార్టీ నేషనల్ జనరల్ సెక్రటరీ ప్రియాంక గాంధీ సీరియస్ గా రియాక్ట్ అయ్యారు. బాధితురాలి కుటుంబానికి న్యాయం చేయాల్సింది పోయి... ఆమె క్యారెక్టర్ చెడ్డదని ముద్ర వేసేందుకు ప్రయత్నిస్తున్నారని ఆరోపించారు.

నిందితుల లేఖపై బాధితురాలి ఫ్యామిలీ కూడా రియాక్ట్ అయ్యింది. వారు చెప్పినవన్నీ అబద్దాలేనని కుటుంబసభ్యులు చెప్పారు.

ఇక.. బాధితురాలి చనిపోయే ముందు ఇచ్చిన వాంగ్మూలంలో తనపై లైంగికదాడి జరిగిందని చెప్పింది. దీనికి సంబంధించి పోలీసుల దగ్గర వీడియో రికార్డింగ్ కూడా ఉంది. (వాంగ్మూలంలో ఏముందో చూసేందుకు ఇక్కడ క్లిక్ చేయండి.)

READ ALSO :

Next Story
Share it