Remedies For Acidity : కడుపులో మంట(ఎసిడిటి) ఇలా తగ్గించుకోండి

Remedies For Acidity : ప్రస్తుతం చాలా మందిలో ఉన్న సమస్య కడుపుమంట (Acidity). మారుతున్న జీవనశైలి మొట్టమొదట ప్రభావం చూపేది జీర్ణవ్యవస్థపైనే. అందుకే ప్రస్తుతం గ్యాస్ట్రిక్ సమస్యలు ఎక్కువైపోతున్నాయి. ఎసిడిటి, అల్సర్(alser), గ్యాస్ట్రిక్ ఇవన్నీ ఒకే కోవకు చెందినవి. ఇది బయటకు కనిపించదు. కానీ లోపల తీవ్ర ప్రభావాన్నిచూపిస్తుంది. కుదురుగా ఒకదగ్గర కూర్చోనివ్వదు. ఛాతి బరువెక్కినట్టు ఉండటం, కడుపులో మంట, కడుపు ఉబ్బరం, పుల్లటి తేన్పులు, వామిటింగ్ సెన్సేషన్(vomiting) వంటి లక్షణాలుంటాయి.

సమయానికి ఆహారం తీసుకోకపోవడం, మసాలాలు బాగా దట్టించిన ఆహార పదార్థాలు తీసుకోవడం ఎసిడిటికి ప్రధాన కారణం. ఈ సమస్య నుంచి ఉపశమనం పొందడానికి మార్కెట్లో చాలా ఔషదాలే అందుబాటులో ఉన్నాయి. అలా కాకుండా ఇంటి వద్దే సహజ పద్ధతుల్లో ఎసిటిడి సమస్యకు పరిస్కారం కనుక్కోవాలి. అవేంటో ఇప్పుడు చూద్దాం..

1. కూల్ డ్రింక్స్, అలాగే కెఫైన్ ఉండే పానీయాలను తీసుకోకూడదు. వాటి స్థానంలో హెర్బల్ టీ(herbal tea) తీసుకోవడం మంచిది.

2. రోజూ ఉదయాన్నే ఓ గ్లాసు గోరువెచ్చని మంచి నీళ్లు(warm water) తాగాలి.

3. రోజూ తీసుకొనే ఆహారంలో అరటిపండు(banana), పుచ్చకాయ, కీరదోస ఉండేలా చూసుకోవాలి. ఎసిడిటీని తగ్గించడానికి పుచ్చకాయ జ్యూస్ మంచి ఔషదం.

4. ఎసిడిటి నుంచి ఉపసమనానికి కొబ్బరి నీళ్లు మంచిది.

5. రోజూ ఓ గ్లాస్ పాలు(milk) తీసుకోండి. పాలు గుండెల్లో మంటను తగ్గిస్తాయి.

6. రాత్రి నిద్రపోవడానికి 2,3 గంటల ముందే భోజనం ముగించాలి.

7. టైం ప్రకారం భోజనం చేయాలి. లేకపోతే అది జీర్ణవ్యవస్థపై తీవ్ర ప్రభావాన్ని చూపిస్తుంది.

8. పచ్చళ్లు, కారంగా ఉంటే చట్నీలు, వెనిగర్కు ఎంత దూరంగా ఉంటే అంత మంచిది.

9. కొన్ని పుదీనా ఆకులను నీటిలో వేసి మరిగించాలి. భోజనం తరవాత ఈ పుదీనా నీళ్లను ఓ గ్లాసు తీసుకుంటే ఎసిడిటి నుంచి ఉపశమనం.

10. బెల్లం, నిమ్మ, అరటి, బాదం, పెరుగు(curd).. మనకు తెలిసిన ఈ ఆహార పదార్థాలన్నీ ఎసిడిటి నుంచి రిలీఫ్ ఇస్తాయి.

11. స్మోకింగ్(smoking), ఆల్కహాల్ తీసుకోవడం కూడా ఎసిడిటి సమస్యను అధికం చేస్తాయి. కాబట్టి వాటికి దూరంగా ఉండటం మంచిది.

12. ఎసిడిటీతో బాధపడుతున్నవారు చూయింగ్ గమ్ నమలడం మంచిది. ఎందుకంటే దీని వల్ల నోటిలో లాలాజలం బాగా ఊరుతుంది. దీంతో అన్నవాహికలో ఆహారం ఏమైనా ఉంటే కిందికి వెళ్లిపోతుంది. దీనివల్ల గుండెల్లో మంట ఉండదు.

13. అల్లం జీర్ణవ్యవస్థను మెరుగుపరుస్తుంది. కాబట్టి మీరు తీసుకునే ఆహారంలో అల్లం ఉండేలా చూసుకోండి. అల్లం టీ కూడా ఎసిడిటీని తగ్గిస్తుంది.

14. భోజనం చేయడానికి ముందు పంచదార కలిపిన ఒక గ్లాసు నిమ్మరసం తీసుకుంటే కడుపులో మంట ఉండదు.

15. మునక్కాయలు, బీన్స్, గుమ్మడి, క్యాబేజ్, క్యారెట్, ఉల్లికాడలతో చేసిన కూరలు ఆరగిస్తే ఎసిడిటీకి చెక్ పెట్టొచ్చు.